الخميس، 10 أغسطس 2017

معلومات عن دراسة الطب في ايران - جامعة ايران للعلوم الطبية

مرحبا

آني طآلبة بجآمعة إيران للعلوم الطبيه و أحب أفيدكم بكم معلومه ..

* أول شي شغلة التقديم :-

أكو هوايه مكآتب و شركات و معتمدين دآخل و خآرج العراق تكوللكم إحنه نضمن لكم القبول بالجامعه اللي تريدوهه مقابل مبلغ معين كأتعابنا .. لتثقون إلا بالأشخاص أو المكاتب إللي عندكم أو عند معآرفكم تعامل ويآهم لأن هوايه منهم يغشوكم ..
كتجربه شخصيه ؛ آني بالبداية قدمت طب عام على جامعة الاسكندريه بمصر و معدلي يأهلني للقبول و دفعت 5 اوراق أتعاب المعتمد هناك و بالنهايه انقبلت بجامعة (منيا) و مستواها أقل بهوااااايةة من جامعة الإسكندريه و القاهره ، كل هذا بسبب تقصير المعتمد ، فتركتهه ..
رجعت قدمت على إيران عن طريق معتمد أيضا بس موثوق و مجرب و إنقبلت الحمد لله 🙏..

* ثآني شي شغلة المبالغ 💵:-
كل الجامعات بكل الدول من تحدد مبلغ للدرآسه فلا تحسبون انه بس هذا اللي رآح تدفعوه ..
مثلا بجامعتي 6500$ للسنه هذه أجور الدرآسة فقط .. الكتب إنتو تشتروهه و الإستنساخ عليكم و مصاريف النقل و السكن ..
أما بالنسبه للسكن فالقسم الدآخلي للجامعه (جآمعتي إيران IUMS و طهرآن TUMS) 3500-4000$ سنويآ .. أما للي ميريد قسم داخلي فلازم يؤجر شقه و بإيرآن عندهم (رهن و إيجار) أو (فقط رهن) و يختلف السعر من منطقه لمنطقه بس أقل شي للسكن تحتاجون بال80 ورقه ! 👀

*ثالث شي بالنسبه للدرآسه بإيرآن على وجه الخصوص :-
أفضل جآمعتين بإيران هن جامعة طهران للعلوم الطبيه و جامعة إيران للعلوم الطبيه ..
الدرآسه بيهن للقسم الدولي (الطلاب الغير إيرانيين) باللغه الإنگليزيه  ..
و معترف بيهن بوزارة التعليم العراقيه و ترتيبهن العالمي عالي (تسبق ترتيب جآمعة بغداد بآلاف المرآتب حسب التصنيف العالمي😁) ..

*رآبع شي بالنسبه للمعدلات و موعد التقديم 📑📊:-
فكآموا يرفعون القبولآت كل كورس لأن صار عليهم إقبال قوي خصوصآ من الطلآب العراقيين🇮🇶 ..
أعتقد هذي السنه جامعة إيران راح تقبل طب عام معدل 85% كحد أدنى و جامعة طهرآن حسب علمي 95% (بس أكو طلاب معدلاتهم اقل و انقبلوا بيهه) ..
(قبولات جامعة طهران أعلى من جامعة إيران لأن القسم الدولي بجامعة طهران -حاليآ عندهم كورس خامس أو سادس-  أقدم من جآمعة إيران -حاليآ كورس ثالث- ) ...
أمآ التقديم ، (كل كورس أكو قبولات و دفعة جديده من الطلآب و يعتبر بدآية عام دراسي إلهم) .. 
و التقديم دور 1 غالبآ لجامعة طهران (بس أكو طلاب دور 2 و انقبلوا بيهه) ..
و جآمعة إيران تقبل من الدورين 1 و 2 .

*خامسآ بالنسبه لفتح الملف و معآدلة الشهآده :-
ينفتح الملف الدرآسي بوزآرة التعليم العراقيه فقط "فقط" للطلآب إللي معدلآتهم 80% فصآعدآ .. معدل 80% إلا عشر مينفتحله ملف .. (فتح الملف دليل على إنه الجامعه معترف بيهه بالعرآق و من تتخرج تكدر تعادل شهآدتك)  ..
أما معادلة الشهاده فحسب معلومآتي إنه خريجي جآمعتي (إيران) من يعادلون شهادتهم بالعراق يعتبرون خريجي جامعة بغداد .

أتمنى إستفاديتو من هذي المعلومات و كل التوفيق للجميع يآااا رب🌹
الموضوع منقول من طلاب المجموعه الطبيه
#منقول_من_طالبه 👆 🙄 هاي العام شرحتها للطلاب

(نقلا عن رحلة التفوق في السادس)

مواضيع ذات صلة

معلومات عن دراسة الطب في ايران - جامعة ايران للعلوم الطبية
4/ 5
Oleh