#ألــــتــحـمـــــــــــــــــــيل
شنو يعني تحميل ؟ شوف هو قرار يكول اذا انته طالب سادس ورسبت بدرس او درسين ومتريد تعيد السنه . فيحقلك أن تكعد وتسكت بالبيت والسنه الي تجي تمتحن بس بهذا الدرس او الدرسين الي حملتهن .. بس متروح جامعه الا أذا نجحت . يعني تكعد سنه تنتظر عن ما تجي الامتحانات
هسه اوضح بعض الامووور
1⃣ هذا القرار ألمن يشمل ؟
شوف أول سنه انطوه كالوا اي طالب راسب سنه او سنتين أو 3 يحقله يحمل ..
ثاني سنه كالوا لا .. بس الي راسب #سنه_وحدة فقط لا اكثر كون راسب بس سنه وبالثانية رسب بدرس او درسين يحقله يحملهن ..
#أما_هالسنة ألمن يشمل ؟ محد يعرف لأن كل سنة شكل لأن هو يبقة قرار حسب مزاج الوزارة وليس قانون ثابت
2⃣ هاي السنه أكو تحميل أو لا ؟
حسب رأيي 100% أكو
3⃣ اذا حملت . ونجحت من الدور الاول هم يضيفولي درجة الناجح دور 1 ؟
لا .. لأن انته اعتبارك طالب ناجح دور 2
4⃣ اذا حملت والسنة الجاية نجحت بيهن اقدم حسب معدلات السنة السابقة او السنة الجديدة ؟
طبعا حسب معدلات السنة الجديدة
5⃣ شلون اسوي تحميل ؟ وهل هو اجباري او اختياري ؟ واذا حملت اداوم ؟
من تبدي السنة . تروح للمدرسة ينطوك أستمارة تمليها بأنه احمل درس فلان وفلان . وتحتفط ابطاقتك الامتحانية لان السنه القادمة تمتحن بيها نفسها .
#اختياري انته مخير تحمل أو تعيد سنة بكل الدروس ..
لا متداوم . تروح بس بيوم امتحانك
نقلا عن (رحلة التفوق في السادس)
قرار التحميل .. كل شيء عن نظام التحميل لطلاب المدارس وخريجي السادس الاعدادي
4/
5
Oleh
مدونة ملازمنا