شلون اجيب 100 بالاقتصاد ( التطبيقي ) واني مرتاح ؟

شلون اجيب 100 بالاقتصاد ( التطبيقي ) واني مرتاح ؟

نجي للوزاري عبارة عن 6 اسئلة ترك سؤال يعني الصافي 5 ومجموع درجات الوزاري بالاقتصاد 130 درجة تمام ؟

راح اكلكم شلون نجيب 100

من تجي تقرة الاقتصاد مو تقرا من الجلد للجلد

هذا اكبر خطأ وراح تخبط عندك وتصير صعبة

تقسيم درجات المواضيع الي نكدر نجيب منهن 100 درجة

تعاليل 20 د
مسائل 20 د
فراغات 20 د
مقارنات 10 د
رسومات 10 د
اختيارات 10 د
#المجموع 90 درجة تبقة 10 بعدين اكلكم عليها 😜

#طريقة_الدراسة_حتصير_كالاتي

1- اكو ملف حنزلة الكم اني سويتة بي كل تعاليل الكتاب وحتى تعاليل من جوة الاسطر موجودة
قليلات هنة تقرون التعاليل تضبطوهن 100% اوكي ؟؟

رابط تحميل الملف خاص بتعاليل

2- تجون للمسائل الي عددهن 12 فقط تضبطوهن ورقة وقلم لان يجن نصاااااا ونسبة 10% يغير بالأرقام فقط لكن السؤال والخطوات ثابتة

3- بعدها تقرون الرسومات والمخططات الي عددهن 7 فقط تضبطوهن ساعتين زايدة عليهن روح 3 ساعات

4- بعدها ترحون تقرون المقارنات والي هي جدا قليلة وسهلة تضبطوها مثل اسمكم

5- لهنا 60 درجة تبقة 30 درجة وهي الاختيارات والفراغات من خلال قرائتك للكتاب راح تجاوب عليهن بالوزاري لان الفراغات كلش سهلة وبسيطة مو معقدة والاختيارات كذلك واكثر الاختيارات تجي ينطيك اسم مصطلح وتختار التعريف المناسب اله

لهنا حصلنا 90 درجة بكل سهولة وتنظيم

حتسالوني لعد انت مو كلت 100 ؟ وين ال10 درجات الباقية ؟

حجاوبك واكلك ال10 تلكطهن منا ومنا شلون يعني ؟ يعني انت اكيد تقرة الكتاب كلة فاكيد راح تعرفلك تعريف او نقطة بهاي الحالة راح تصير عندك اكثر من 100 درجة

ويا رب بالتوفيق للجميع ❤️

--------------------------------

ارقام الصفحات في الكتاب للرسوماتوالمخططات المطلوبة

( ص 11 ) ( ص 12 ) ( ص 29 ) ( ص 32 ) ( ص 56 مهم جدا ) ( ص 85 )
( ص 102 مهم جدا )

ارقام الصفحات في الكتاب #للمسائل المطلوبة( ص 15 ) ( ص 16 ) ( ص 17 ) ( ص 18 ) ( ص 22 ) ( ص 27 ) ( ص 30 )
( ص 33 ) ( ص 43 ) ( ص 47 ) ( ص 49 ) ( ص 51 مهم جدا )