رحلة نجاح / سراء محمود / النجاح مو بس مجموعة طبية

سراء محمود شرهان
جامعه بغداد كليه الصيدله
 ( النجاح مو بس مجموعة طبية )

اني متاكده اغلبكم من راح يقره القصه حيكول هو نجاح مو بس بلمجموعه طبيه
واني راح اأيد كلامكم واكلكم صح اني معرضت قصتي حتى ابينلكم نجاح  فقط هو بحصولك مجموعه طبيه النجاح هو انه انت تحصل الشي اللي انت تطمح بي ومتفكر لا بتعيين ولابشي تفكر شلون بعدها حتطور من الاختصاص اللي دخلتله وتوصل بي مرتبه وتكون انسان ناجح باختصاصك
 قصتي انه اني عدت سنه بسادس لان سنه اولى اني صادفتني ظروف سفري وعساس اعيش خارج العراق وبعدها رجعت وحسيت نفسي ممسيطره ع المواد وبديت اشوف صديقاتي شلون مضبطين ماده اكول اني مستحيل حلحگ وبقه هلشعور بداخلي انه اني مقصره ومو مثلهم بديت من بدايه
 بعدها قررت اعيد سنه محد ساعدني ووالكل وكفت ضدي وبده الاستهزاء سواء من الاقارب الاصدقاء من كل ناس انتي من كل عقلج تريدين بسنه ثانيه تجيبين صيدله!! وكل يوم اني اسمع هلكلام وكل ميشوفوني يلا شوكت عاد تطلعين من سادس وتخلصين ...
 عدت سنه وبهاي الفتره تمرضت من الشد العصبي والتفكير وتوتر والكلام السلبي والمحبط من اقرب ناس اليه
 داومت اول شهر اني ارجع من المدرسه وبس ابچي وحسيت دنيا انسدت بوجهي بعد اغلب مدرسات يشوفوني وايضا يستهزئون باعاده سنه حتطلعين معدل..!
بقيت ع هلحاله لحد شهر 122بعدها گلت لهنا وكافي خلي ارمي كلشي ورايه وابدي من جديد وماانتبه لكلام احد
 وفعلا سديت نت وغلقت تلفوني وكل شخص ينطيني حجي سلبي اباع عليه اكله اوك واعوفه واروح وماما جانت باقيه ويايه❤️وبعض الاشخاص كانوا يساعدوني بلقرايه❤️
قريت وتعبت نفسي وبنفس الوقت اطلع بين فتره وفتره اغير جو
 وصلت بيه مرحله بلاربعين يوم مليت كلش صار ملل بس معفت القرايه لو كمت اتمشى واقره (اذكر بتحليله شرح مينحفظ كمت اصيح😅واكول الشرح حتى اركز ويبقه ببالي)
وبهلفتره الكل جانت متاكده سراء اذا كلش حتجيب معدل 85مستحيل تطخ ال90
 لحد ممتحنت ودخلت واني كلش خايفه وايدي بالامتحان تكوم تاذيني حيل بحيث مااكدر اكمل كتابه خلاني ااجل درسين💔والكل كالت ي مو كلنا هاي متدبرها
بعد نتائج دور الثاني الكل انصدم بمعدلي 96.7
مااحجيلكم عن فرحه اهلي❤️وعن فرحتي اني انتصار بمعنى الكلمه• فرحه تحقيق طموحكم فرحه متساوي اي فرحه بلدنيا•

#نصيحتي الكم
💥حلمكم تمسكوا بي وابد لتعوفوا لو بعد تمر سنين من عمركم لتعوفوا انتو عايشين حتى تكونون ناس الها تاثير بلمجتمع وتفيد المجمتع وهلشي يجي من تحقيق طموحكم
💥صيروا ناس ايجابين وخلي يكون مستقبلكم خط احمر لتخلون اشخاص او ظروف تتغلب عليكم ومتكدرون تحققون حلمكم
💥لحد يكول اني قريت ومجبت الله ينطي ع كد تعب شخص والله يعرف الخير وين النا انت اقره واتعب وجاهد بدراستك والله صدكوني حيوفقكم الله ميضيع تعب احد
💥كل دقيقه هسه استغلوها حتى توصلون للي تريدوا ودخلوا الشي اللي انتو حابي لان هو الشي اللي راح تبدعون بي وصح ظروف بلدنا تعبانه بس يجي يوم وتفرج والخير احنا بينا شباب المستقبل
 لهوا نفسكم بلقرايه وبمعلومات مفيده لتخلون تطور والنت ياثرعليكم بطريقه سلبيه استفادوا منه ولتخلوا يضركم
بعدين تتندمون من يمر الوقت وانتو ممحققين شي
تحتاجون قوه واصرار تستمدوها من الله❤️
فرحوا اهلكم فرحوا نفسكم والناس اللي تحبكم
 والله يوفق الجميع يارب

#سلسلة_رحلة_نجاح

اعداد 

برنامج رحلتي في السادس

حملة شبابنا

مواضيع ذات صلة

رحلة نجاح / سراء محمود / النجاح مو بس مجموعة طبية

4/ 5

Oleh مدونة ملازمنا

مدونة ملازمنا