المراجعات المركزة والمرشحات ؟ منو الافضل

#المراجعة_المركزة_والمرشحات ...

طبعا من اكثر المواضيع الي تشغل طلاب السادس بفترة المراجعة هي
* المراجعة المركزة هي مرشحات ؟
* منو افضل مراجعة مركزة ؟ 
شوكت تنشرون مرشحات ؟
الی اخره من التساؤلات ...
 فبهذا المنشور راح نوضحلكم شي مهم وهو

#المرشحات !!
ويعني المدرس يرشح كم سؤال ويتوقع يجن بالوزاري
فاكو مدرسين الله يسامحهم كل سنة ينزلون
مرشحات وتظل الطلاب تتأمل بيهن
لذلك احب اكلك اخي اختي الطالبة
 اذا تحب تراهن ع مستقبلك فظل ورة المرشحات لان والله هالشي يضرك ومبيه فائدة والاف الطلاب تورطوا بيها ...
باختصار المرشحات #متفيدك وديربالك تعتمد عليها .

#المراجعة_المركزة
هي عبارة عن المواضيع والاسئلة المهمة لكل الكتاب فلا تقل عن 50_ 1000 ورقة وتكون شاملة لكل مواضيع الكتاب بدون نقص
يعني هاي المراجعة تفيدك تقراها بعد ما تخلص المادة وتضبطها
او تقراها بيوم الامتحان لان بيها كلشي
وللعلم مراجعات كل المدرسين متشابها بنسبة 80 بالمية
 لذلك لا تخافون كلها مضبوطة ...

زين شنو نصيحتنا الكم ؟!

#عزيزي_الطالب
اقرة مادتك بالكتاب وبملزمتك ولا تخلي شي وراك
ومن تخلص حاول تختبر نفسك بالاسئلة الوزارية
 وهالشي راح يخليك متحتاج اي شي

او تكدر تستخدم المراجعة قبل الامتحان بيوم للسهولة

واحب اكلكم شي احنا ما ننشر مرشحات ابدا
لان منريد نورط الطلاب وهالشي كل الطلاب السابقين يعرفونا
 وخلو ببالكم اي واحد ينشر مرشحات ميفيدكم ويورطكم .

اتمنالكم التوفيق يارب
 وانتو ابطال وكدها ان شاء الله

شارك المنشور حتی غيرك يستفاد
وسوي تاك لزميلك وكلة 

حملة شبابنا 

برنامج رحلتي في السادس

مواضيع ذات صلة

المراجعات المركزة والمرشحات ؟ منو الافضل

4/ 5

Oleh مدونة ملازمنا

مدونة ملازمنا